ओसाड हे घरदार आज येणा माझ्या दारी.
तप्त झाले माझे घर , तप्त झाली वीट वीट,
घरपण गेले त्याचे झाले आज वाळ्वंट,
तुझ्या पावसाला सांग येउनिया मज भेट..........
भिंतीला या भेग पडे होऊ लागे माती माती
माती माती किंकालाते रडू तिचे कानी येती
तुझ्या पावसाला सांग ओत, चिंब चिंब मोती................
तडा तडा वाजतात आज एक एक कौल
पडतात फुटतात कौल झाले माती मोल,
तुझ्या पावसाला सांग घरावर माझ्या डोल...........
अंगणात काय ताप कोमेजून गेली झाडे
सुकुनिया मुळ खोड एक एक पण गळे,
तुझ्या पावसाला सांग खाली ओत थेंब थोडे.............
घरापारी मन माझे झाले आज लाले लाल
पावसाचे मन तूझे त्याच्यासंगे भेट घाल
तुझ्या पावसाला सांग हृदयाची भाषा बोल.........
ब्रह्मदेव आतकरी
कोणत्याही टिप्पण्या नाहीत:
टिप्पणी पोस्ट करा